Не спяшайцеся хаваць АДС

2009 11 24

Euramost.org паведамляў, што Партыя БНФ на апошнім Сойме, які адбыўся ў мінулыя выходныя, канстатаваў ліквідацыю кааліцыі Аб’яднаных дэмакратычных сілаў. Адзін з кіраўнікоў АДС - старшыня Аб’яднанай грамадзянскай партыі Анатоль Лябедзька, не згодны з такой пастаноўкай пытання.

Euramost.org паведамляў, што Партыя БНФ на апошнім Сойме, які адбыўся ў мінулыя выходныя, канстатаваў ліквідацыю кааліцыі Аб’яднаных дэмакратычных сілаў. Адзін з кіраўнікоў АДС - старшыня Аб’яднанай грамадзянскай партыі Анатоль Лябедзька, не згодны з такой пастаноўкай пытання.



“Ёсць юрыдычны складнік і сітуацыя “дэ-факта”. Што тычыцца юрыдычнага боку, то любы нават студэнт юрфаку скажа, што адмяняць рашэнне можа той, хто яго прымаў. Рашэнне аб стварэнні АДС і яго структур прымалася Кангрэсам дэмакратычных сіл. І толькі Кангрэс валодае легітымнасцю прымаць ці адмяняць падобныя рашэнні.



А ёсць сітуацыя дэ-факта: няма дзейнасці – няма кааліцыі, якая мае магчымасць існаваць толькі на паперы. Але дзейнасць ёсць, значыць, і кааліцыя існуе. Там засталіся дзеяздольныя структуры. Варта адзначыць, што ў кааліцыі існуюць чатыры зарэгістраваныя партыі. А гэта азначае, што яны адпавядаюць пэўным крытэрыям, якія выстаўляе ўлада. А крытэрыі гэтыя дастаткова высокія і жорсткія. Да таго ж, ёсць застаткова дзейсная структура – рух “За свабоднае развіццё прадпрымальніцтва”, ёсць незалежныя прафсаюзы, ёсць аргкамітэт па стварэнню незалежнай жаночай арганізацыі. Нашу дзейнасць можна сёння адчуць, яна звязана з антыкрызіснымі прапановамі. Тут ёсць сацыялогія, ёсць масмедыі, якія ўцягнуты ў папулярызацыю антыкрызісных прапаноў. Ёсць таксама і кавалак працы, зробленай па выпрацоўцы прапаноў па змнене выбарчага заканадаўства, па перамовах з БДІПЧ.



Пры ўсёй павазе да Партыі БНФ, я адзначу, што, відаць, можна казаць, што патрэбны надысці калапс, каб АГП выйшла з гэтага працэсу. Так склаліся абставіны, што апошні год БНФ не працаваў актыўна як структура, працавалі асобныя людзі, якія і надалей будуць працаваць, нягледзячы на рашэнне, якое прынята Соймам. Стварэнне Беларускага незалежніцкага блоку, над якім працавалі актывісты БНФ, не з’яўляецца праярытэтам АДС”.



Генадзь ЛОГІНАЎ